程小東：「恭喜晒，希望ＢＢ聽聽話話，精精靈靈，（會唔會打畀Kelly恭喜佢？）一定會，我都好想睇吓個ＢＢ。」

與ALEX父母相識的謝賢：「恭喜晒，等Alex父母睇完個孫流完晒啲口水，我再打畀佢哋恭喜啦，（會唔會教Kelly點補身呀？）佢哋叻過我啦，使乜我教。」

奚仲文：「我會傳短訊恭喜佢，ＢＢ一定好精靈，希望Kelly快啲追多個女，（會唔會幫ＢＢ設計靚衫？）唔需要啦，Kelly一定鍾意自己買。」

劉偉強：「好開心，佢哋個仔一定會好似我個仔咁靚仔，（醒啲湊仔貼士？）最緊要有耐性，Alex要好好照顧Kelly，啱啱生完好需要休息，餵奶換片都要幫手，咁樣先至係好老公。」

楊千嬅：「嘩！開心到爆呀！BB似唔似媽咪呀？不過最緊要一家人幸福開心。」幾時輪到她生BB？千嬅笑說：「我出咗張唱片先啦，依家忙緊錄新碟，出唔到碟就唔使旨意生仔呀！」