英國豬流感個案已有接近七千五百宗，連飾演《哈利波特》中「榮恩」的路拔亦遭殃。

出席首映禮

榮恩的發言人日前表示：「佢係確診咗，情況溫和，休息咗幾日冇拍戲，但佢已經康復，並且不再有傳染性，不會影響他人，並期待會同其他演員出席《哈利波特─混血王子的背叛》嘅首映禮，亦會返片場繼續為大結局開工。而佢缺席期間，劇組先拍冇佢戲份嘅戲，所以拍攝未受影響。」但未有透露原定亮相澳洲電視節目宣傳的他，行程會否有變。

「妙麗」愛瑪沃森最近上電視節目接受訪問時，便提到早兩周前才與「榮恩」拍咀戲，更形容經歷為人生做過最不安的事情，感覺似亂倫。

「妙麗」說：「我原本係閉着眼咀，但劇本要求我哋睜着眼咀，搞到我忍唔住笑，不過6 take後完成咗，唔差嘅。」她亦提到男仔嘗試向她搭訕的話題離不開《哈》的飛天掃把和魔術棒。最後，她更害羞承認自己有男友。

入布朗大學

另外，「哈利仔」丹尼爾烈格夫則證實愛瑪今年九月將入讀美國布朗大學，並大讚她天資聰穎：「我會考拿7B3A已經覺得好震撼，佢拿10A，實在係好讀得，好得人驚。」

文：外娛組