Jason上月在簽唱會唱新歌《你瞞我瞞》時，被歌迷拍下疑似唱到有生理反應的短片，並放上網，此後即成熱話，更有網民將《你瞞我瞞》改名為《你扯我扯》，再填上有味歌詞，十分爆笑。

堅稱角度問題

昨日Jason與方皓玟及小肥等出席環保活動，談到激凸事件，Jason說：「條片我睇咗幾次，發覺我行前就『有』，行後一步又『冇』，係角度問題，唔係生理反應。（十五萬點擊率？）出道以嚟都未試過，好搞笑，唔係負面嘢都OK嘅，但就畀朋友笑囉。」

對於新歌被網民惡搞，Jason笑言：「網友咁有創意，當宣傳囉，我睇到有啲留言仲特登計我維持咗幾多秒。」問Jason人氣急升要否多謝「細佬」？他尷尬說：「小弟都好開心嘅。（有個得力細佬？）當然，但希望下次唔好再發生，好彩嗰日冇其他女藝人，唔係畀人亂寫就麻煩。」

林峯尷尬拒評

至於林峯昨舉行新碟簽唱會，問他可擔心演唱時像Jason出現生理反應？林峯愕然說：「吓，點解問啲咁嘢？」之後林峯尷尬指不清楚亦沒聽聞，不知如何反應。簽唱會吸引五百歌迷到場，問林峯會否給歌迷抱抱或親面？他說這不是抱抱會，最多只能握手。

文：音樂組