已簽約亞視的袁小曼，日前約同女友人到沙灘玩水曬太陽，其惹火身材比參選亞姐時更玲瓏浮凸，惹來中外泳客投以注目禮，其中更有男士唐突得近距離駐足觀看，考驗小曼面對熱情fans的應變能力。
小曼日前趁不用開工，與女友人結伴到海灘游水曬太陽，據知這名女友人正是有份參加08年亞姐面試的「翻版孫藝珍」周婉婷（Crystal）。
兩女沙灘控球
當日海灘上不乏女泳客，但小曼與Crystal甫出現，即吸引不少男泳客目光，她倆玩沙灘波時，不少泳客更被小曼球技迷倒，以癡迷迷的眼光欣賞兩女的變幻球。
兩女玩到攰，索性小休坐低搽太陽油，有男士即趨前近距離眼定定望到實，小曼頓時面燶燶，要Crystal撩傾偈及餵糖氹番，之後她倆又落水玩，但小曼臨行前先姿整照鏡，女人果然貪靚！小曼與Crystal在海邊踢水玩了五分鐘後返回沙灘，並執拾個人物品，再往更衣室沖身換衫離開。
快閃因怕曬黑
記者事後致電小曼，提到她繼早前被王維基出言輕薄，去海灘又被男泳客近距離駐足
嘢，她說：「其實嗰次王生只係考我急才，有真材實料唔怕人話。（點解咁快離開沙灘，唔鍾意嗰啲男泳客咁猴擒？）其實我同Crystal好耐冇去沙灘，咁啱夾到時間咪去囉，但我同佢都怕曬得太黑，所以唔敢玩太耐啫。」
文：影視組