昨日Kama出席海運中心ToysRU's舉行的「迪士尼小公主國度揭幕禮」活動，並以一身白雪公主造型出場，她笑言一直夢想當白雪公主，可惜還未找到白馬王子：「仲搵緊咋，（之前傳嘅T先生呢？）唔係。」

剛病愈的她透露近日忙於拍電影及宣傳寫真集，對於與不少G模同期推出寫真，她坦言不怕比較：「我不嬲都係sell健康性感、可愛同青春。」

話雖如此，為配合市場需要，寫真集內仍不乏三點式泳衣照，當中更有全背裸的鏡頭，但她否認是為對撼G模而拍的：「佢哋係性感市場，我公司同我定嘅路線唔係行性感。」不過她不忘補充說：「公司話等我大個啲會再拍一輯激啲嘅寫真！」

鄧麗欣暗示戀小方

對於有指被鄧麗欣搶戲份，Kama繼續否認說：「我戲份冇減喎，好早之前已經訂晒啲期，而且我哋大家嘅角色唔同，（同佢有冇對手戲？）同古天樂最多！不過見到面都唔會尷尬。」她又笑言戲中要暗戀古天樂，問到對方是否她喜歡的類型？她笑說：「都鍾意，黑黑實實。（擇偶條件？）真心相愛，（年紀同金錢？）善良嘅公主係唔會計較呢啲嘢。」

鄧麗欣接受林燕妮訪問時，同樣否認搶人戲份，強調自己是一個不會與人爭的人。當談到感情生活時，鄧麗欣即時大讚緋聞男友方力申是這一行最乖的男孩子，她謂兩人是從朋友開始了解，相處得來才拍拖，似在暗示二人的拖友關係，不過唱片公司卻否認。

文：名人組