吳雨霏（Kary）昨日為舞台劇《勁金歌曲sing a long》進行綵排，身穿校服兼戴了大眼鏡的Kary透露拍檔徐羨曾於綵排期間經常「爆肚」，所以要狂忍笑，繼續接落去，談到揣摩角色，Kary表示：「我個角色係中一生，所以要留意升讀小六嘅妹妹啲行為舉止！」
問Kary讀書時可有暗戀男同學？她說：「有呀，不過對方係隔籬學校籃球隊嘅學生，但又冇大膽表白，當時都只係一個中一、二嘅學生。」由於Kary的緋聞男友被稱為「網球王子」，記者取笑Kary偏愛運動型男生，她不諱言：「都係㗎！（叫『網球王子』捧你場？）我有叫佢自己買飛，有出席都係一種支持。」
