Ana R.、姚書軼、杜德偉等前晚為「設計畢業展2009－Bee Creative」行騷，Ana R.再次示範南北半球的中空裝。不過Ana卻明顯「封胸」，全程用手抓着拉緊大領口，完全不洩半點春光。事後她解釋因換衫時只有一分鐘，來不及貼膠紙做防走光措施。
對於有指周汶錡（Kathy）男友偷食，Ana說：「Kathy係strong woman一定可以應付到。（如換了是你？）依家我會理智啲，但都要睇有幾愛對方，我只可包容一陣，真心愛佢嘅話好難下決定。」對於靚模行性感，她說：「唔係好亦唔係壞事，但唔應該只賣性感，我佩服佢哋有勇氣，可能佢哋係為錢，被人氹愈性感愈多錢。」
同場的杜德偉表示未有致電安慰前女友周汶錡，不清楚偷食事件是真是假，杜德偉更言明年會推出自家服裝品牌「Mute Nostril Agony」，為紀念母親會在上海設首間旗艦店。