Angelababy前晚以性感Deep-V兼大露背造型在尖沙咀秘密拍攝廣告，未知是否近期一眾靚模水着「搶灘」，令今次baby都一騷身段，超短泡泡褲在露天停車場跑來跑去，現場還有多位外籍模特兒，其中一位「金髮男」赤裸上身包着保鮮紙。而baby的狂奔鏡頭最終NG四次，導演才收貨，當發現記者影相時，baby亦忍不住做出「V」字手勢。
至於昨日baby出席活動，見她一臉倦容，她坦言因通宵拍廣告關係。講到水着靚模湧現，baby則言：「每個人路線唔同，又或係工作需要。（影響風氣？）佢哋有佢哋做，我就好少水着，總之各人有唔同市場嘅。」提到莊思敏表示靚模太多，睇到消化不良？baby笑言：「好少睇，只會留意下自己新聞，所以我都唔知睇咗會唔會消化不良。」