據知，Eason與太太徐濠縈、囡囡康堤所住的大鵬閣，日前有住戶確診豬流感，Eason透過唱片公司表示不回應，記者致電徐濠縈查詢，她坦言：「係呀，住我隔籬咋嘛，希望佢快啲康復。（驚唔驚？）唔驚，未見過面，我哋搬嚟冇幾耐。（大廈有冇通知？）大廈冇喎，係司機講我知，可能呢度係舊式大廈，擔心我哋驚。」

提醒孕婦住戶

阿徐表示早兩日已經估到鄰居中招，她說：「好多警察、救傷車嚟幫成幢大廈消毒。（會唔會小心為上，暫時同囡囡搬走？）唔使，唔好過分緊張，人哋都隔離咗，我哋冇病唔通唔出街咩？只不過見大肚住戶時，會同佢講有鄰居中招。」

隔籬屋冇接觸

問她有乜預防措施？阿徐坦言：「冇乜，一切正常。（出入戴口罩？）我同囡囡從來冇戴口罩，我哋又唔係病人。（依家呢？）記得咪戴，學校有就擔心啫，隔籬屋冇接觸，又冇公園呢類共用設備，唔使太緊張、太恐慌。（但搭可能會傳染？）去完街一定洗手，叫囡囡搭唔好挨近牆。（Eason知唔知隔籬屋中招？）好似知，佢去咗台灣出席金曲獎。」

採訪：音樂組