由英皇投資6位數字的爆笑舞台劇《星爸亞爸》，將於8月27至30日假演藝學院公演，劇帝陳淑儀和阿嬌飾演兩父女，兩人初次見面，陳淑儀說：「未正式排戲，第一印象好含蓄，可以活潑啲，但百厭要時間。」陳淑儀表示有睇過阿嬌的電影：「對佢演技有信心。」

阿嬌原來深藏不露，是個搞笑能手。	阿嬌和劇帝陳淑儀（中）及舞台劇資深演員邵美君攜手發放笑彈。	舞台劇《星爸亞爸》，將於8月27至30日假演藝學院公演。

「人哋以為我傻」

問阿嬌有冇信心搞笑？她笑說：「其實我本身都幾搞笑，但我唔表露出嚟畀大家睇，我同熟啲嘅人先搞笑，唔熟好怪，人哋以為我傻。（對住高手演出怕唔怕怯場？）我諗大家熟啲會好啲，台下十年功，點怯場都有個譜。」陳淑儀笑說：「我都怯，出場時就會怯。（點克服？）最緊要投入，做做吓就OK。」

排戲互相整蠱

問陳淑儀有乜提點阿嬌？他說：「玩囉，愈認真愈領嘢。」導演李國威為阿嬌打氣：「佢着數，唱歌時對慣觀眾，有經驗。」阿嬌說：「演唱會唔同，距離觀眾遠，又太黑，但舞台劇好近。」到時會否爆肚爆笑？陳淑儀笑說：「排戲一定整蠱佢。」阿嬌笑說：「我會整蠱番佢。」

採訪：音樂組 場地：香港演藝學院