官恩娜（Ella）前日和《矮仔多情》的導演阮世生到青少年協會宣傳新片。近日有指模特兒公司老闆「呃鐘」事件，Ella直言到廣州拍廣告也曾遇過「呃鐘」，更曾被禁錮４小時。她說：「當時我自己一個人去拍廣告，合約簽咗12個鐘，不過最後都係over咗，廣告商問我可唔可以唔收O.T.錢，我一話唔得，佢就發爛渣話以後唔使再合作。另外一次都係返廣州做嘢，做完之後佢話我做得唔夠好，中間人同客戶交代唔到，係咁話車未到，將我禁錮咗４個鐘，淨係畀芥蘭我食。之後我好嬲走落停車場，原來架車一直響停車場等我。」