小天后泳兒前晚舉行《唱泳音樂世界》演唱會，唱片公司老闆楊受成及太太率領吳雨、霍汶希、鍾舒漫及關智斌等捧場，曾邀請泳兒作個唱嘉賓的劉家昌夫婦亦有現身，古巨基、容祖兒及Twins雖然未能出席，但仍不忘送上花籃支持。
張家輝讚身材好
泳兒在首個個唱上「大解放」，罕有以谷胸騷腿的造型登場，連唱多首勁歌即顯得情緒高漲，無懼走光邊唱邊跳，波濤洶湧非常養眼，連擔任嘉賓的張家輝亦不禁說：「估唔到你唱歌好，身材仲好！」
久未上台唱歌的家輝，笑言擔心唱得唔好變「佗衰家」，果然合唱時緊張到硬晒軚，幸好仍然唱出水準，事後他不禁用力攬實泳兒減壓。家輝坦言唱歌比奪得影帝寶座時更緊張，他說：「公司有叫過我出碟，不過我唔制！」
校長譚詠麟前晚亦是嘉賓之一，校長說：「今日咁多朋友同fans支持，好開心喎！」泳兒感謝對方現身，又問候校長早前的腳傷，校長說：「隻腳冇好過，醫生要我唔好郁、唔好跑跳同埋要休息，最重要係要我戒口，呢個最難，你哋都知我有幾為食㗎啦！」泳兒笑問他要否坐在床上唱，雖然校長大叫「咁正」，但仍堅持站着合唱。他大讚泳兒唱歌能打動人心：「我真係好欣賞佢，知唔知點解？因為大家都有個『詠』字？唔係，一個歌手唱歌可以令人毛管豎起晒好難得，佢啲歌就可以打動到人！」
不滿被指壓祖兒
泳兒又穿上露背背心與男舞蹈員身貼身、面貼面跳火辣床舞，她更主動將對方的頭挨近胸前，意識大膽。個唱尾聲時，泳兒自爆在後台獲工作人員讚跳得好，令她非常感動，忍不住熱淚盈眶謂：「我覺得好開心，從來冇諗過泳兒識跳舞。」台下的歌迷即大叫「我愛你」，以示支持。問泳兒是否性感大解放？她坦言希望予歌迷不同感覺：「不過我唔想以性感做賣點，特別要多謝劉老師同珍姐嚟睇我。」
對於被指力壓一姐容祖兒，最得老闆歡心，泳兒坦言是入行以來最傷害她的報道：「講到我人格唔好，但係我唔會放喺心，我同公司同事、其他藝人好似大家庭咁，感情好好。（同祖兒解釋？）唔會刻意，老闆都唔係淨係錫我，旗下個個都係可造之材，雖然有啲Hurt，但係當宣傳囉！」