陳淑芬透露正接洽米高的巡迴演唱會香港、中國站，怎料卻傳來死訊，當年她與張耀榮、盛智文等三公司邀請米高來港做演唱會，接連兩次都舉辦不到，感到十分遺憾，她慨嘆：「始終無緣。」不過在八七年米高訪港時她曾招待對方幾天，米高給她印象是親切有禮，特別第一次見面時主動與她握手，最深刻是出街必化妝，因其膚色並不均勻。

耀榮當年獲賠訂

演唱會之父張耀榮當年因為演唱會取消，一怒曾揚言要列他入黑名單，他慨嘆：「ＭＪ嗰年答應咗嚟做，仲收埋訂金，突然又話唔嚟，但佢即刻賠番晒所有訂金。（幾多錢？）一百萬美金㗎！轉眼已經十幾年前嘅事咯，本來諗住佢做完美國、英國巡迴，會嚟香港……我冇想過再搞，但都想去睇下佢精彩演唱……唉，以後都冇得睇咯！睇住一個又一個天王巨星離去，好化呀！真係好可惜，好難過。」

「蘭桂坊之父」盛智文說：「知道後真係好震驚，不敢相信，曾在台灣一聚會見過他，好nice。」