韓國天王Rain自小封米高積遜為偶像，由於受到偶像影響，Rain入行前曾擔任過舞蹈員，出道初期，不少人均認為Rain的舞步有MJ影子，及後Rain以偶像為目標，憑個人努力成為現時韓國最炙手可熱的舞蹈天王。

望偶像一路好走

昨日下午約五時，Rain現身澳門，為今晚假威尼斯人渡假村酒店的金光綜藝館舉行的《Six To Five》演唱會舉行記招，期間Rain跟記者們談笑風生，但當被問到其偶像MJ去世消息時，Rain即收起笑容，嚴肅表示：「好傷心、好遺憾，由細到大我都視佢為偶像，係佢令我投入舞蹈生涯！」

Rain盛讚MJ是舞蹈界的傳奇人物，直言他是舞蹈者的教科書，期間Rain一臉哀傷說：「希望佢一路好走！」較早時，韓國傳媒已向Rain追問MJ猝死的消息，期間Rain特別向身邊朋友再三查證確認，得悉事實後他說：「真係難以置信同大受打擊，MJ喺台上嘅表現無人能及，佢離世我感到非常心痛，佢永遠係我偶像，亦會長留我心。」

至於獲封「香港MJ」的天王郭富城，多次開個唱均模仿MJ，更試過模仿MJ的45度傾斜動作，不論舞姿及服飾均演繹得淋漓盡致，昨日城城獲悉偶像離世感到十分難過：「聽到呢個消息，覺得好震驚、好愕然，同埋好難過，因為佢去得太突然，我一時間亦未能接受係事實。MJ對整個世界流行樂壇所作出嘅貢獻真係無人可代替，我真係好難過。」

陳偉霆與母同哭

另外，樂壇「新一代舞王」William十五歲便自學練成MJ的舞步，又憑MJ的《Dangerous》贏得新秀冠軍，對於偶像突然離世，William坦言喊足一朝：「好愕然，好唔開心。（MJ令你印象最深刻嘅事係乜？）Moon Walk啦，45度傾斜同埋造型帶領潮流，我同阿媽今朝都喊埋一份，因為佢細個都好鍾意MJ。」William更慨嘆跟偶像未曾見過面是遺憾，但他表示：「同佢活喺同一個世紀已經覺得好榮幸！」

採訪：音樂組、外娛組