婚後的Edmond，雖然唱了首《住家丁麵》，但並不會做住家男人。入行多年，他歷盡起跌高低，但心裏仍有股鬥志：「依家大個仔，希望有幸福家庭，搵多啲錢養父母、老婆。」所以，三年冇出新碟的Edmond，７月終於出新碟，他笑說：「今年全面復甦，如果唔係啲人以為我唔唱。」

然而，復甦的Edmond卻撞正金融海嘯、豬流感的雙重打擊：「社會氣氛唔好，呢個情況之下，屋企先會有安全感，所以新碟以屋企做主題，希望帶正能量畀香港人。」

Paco永遠係恩人

身為金牌大風歌手的Edmond，自古巨基離巢後，他即被歸類為「太子基」派，但Edmond卻說：「Paco（黃栢高）永遠係我恩人，教識我做人一定要有目標，我嘅目標係要做到最受歡迎男歌星，無論幾多歲都好，可能分分鐘破紀錄入行最耐攞，如果真係有呢日，上台第一句說話一定多謝Paco，以前自己係死仔包，全靠Paco依家至有目標、有衝勁，深深感受到強大鬥志，呢個係責任心問題。」

專心做好每份工

基仔跳槽了，問Edmond是否想做一哥？他坦言：「冇諗呢樣，做到好歌就係一哥，無論資歷幾深幾淺，睇大家反應，自己希望婚後都專心做好每一份工，包括電影、電視、唱歌。」聽到這些話，相信最有安全感的，是他的太太。

採訪：音樂組

髮型：Moe@Chin.G

化妝：Hetty Kwong

服裝：Initial

場地：2121 bar（蘭桂坊）