莫文蔚（Karen）於北京閉關一個月，日夜與張亞東相對炮製最新大碟，連生日也選擇留在內地度過，幸得張亞東每日細心為她挑選不同美食，令到北京的生活倍添樂趣。
莫文蔚自從上一張國語音樂專輯開始嘗試兼顧幕後工作，得到外界不少讚賞，為她帶來更大鼓舞，最近Karen遠赴北京閉關一個月，找來出色音樂人張亞東，攜手打造一張翻唱中外經典歌曲的新唱片。
大餐慰勞
Karen大膽地要求精選加入民族歌曲、三十年代上海老歌、八十年代國語流行曲，還有意大利歌劇，重新編曲，譜上新詞，誓要令大家耳目一新。
長達一個月的閉關期，幸得張亞東每日細心為Karen精選美食，於每天地獄式錄音完畢後總會帶Karen好好食一餐，一個月下來，中、西、意、法、日、印度餐全部食遍，Karen說：「好彩我食極唔肥咋，不過我都好多謝佢，有美食當前，做嘢動力都大啲嘅。」
生日願望
Karen投入地工作，連生日也沒有請假回港，她說：「我有同一班北京嘅同事及朋友慶祝，其實呢幾年嘅生日都喺工作中度過，今年比較特別係第一次喺北京過，我都好希望自己可以快啲完工，做好張唱片送畀大家就係我嘅生日願望嘞！」
文：影視組