在《學警狙擊》中飾演江悠悠而大受歡迎的Elanne，在戲中與吳卓羲一段網誌情緣掀起熱話，吸引出版商邀請出書。

意外驚喜

Elanne笑言：「套劇真係帶畀我好多意外驚喜，有次喺街個小朋友嗌我做『翻版姐姐』，最令我估唔到係連內地都有fans，有次有個小妹妹見到我由舖頭衝出嚟問我係咪悠悠，之後仲即刻捉住我影合照添！再加上上年推出嘅《零距離》反應好好，出版商就問我有冇興趣出旅遊書，書名同我喺劇入面出嗰本書一樣叫《小公主浪跡天涯》添！」能夠再度出書，她笑言是託吳卓羲鴻福所賜，故第一時間找他寫序。

新天鵝堡

為了配合劇中的網誌情緣，Elanne會以網誌形式撰寫新作，內容描述她拍戲及曾旅遊踏足的地方：「我去過好多地方，例如峇里島、日本、馬來西亞等，除咗會寫旅遊感想，仲會上網搵資料介紹各地特色，都算係半本旅遊書。」她還會介紹一些想去而未有機會去的地方，像德國新天鵝堡：「嗰度啲城堡同童話故事中嘅城堡一模一樣，頭頂分分鐘有雲飄過，聽到都好想去！」

文：專案組

服裝：rosebullet

髮型：James@HAiR

化妝：諺瞳小白@picturesque gate