導演周顯揚首部執導電影《殺人犯》，雖沒有恩師李安助陣，但有一班極優秀之演員郭富城、錢嘉樂、張兆輝以及陳觀泰等賣命演出，搏殺程度連城城的替身也中暑暈倒，不過城城卻毫無怨言，一口氣來回跑一條長樓梯，挑戰個人體能極限。
李安愛徒周顯揚首部執導電影《殺人犯》，即請來影帝級人馬郭富城、好戲之人張兆輝及陳觀泰等助陣，且一眾演員都交足貨，即使跳樓、酷熱跑樓梯等「攞命」戲份，都不哼一聲親身上陣。
掟陳觀泰落街
對於台前幕後如此搏命演出，周顯揚十分感激地表示：「呢班演員除咗錢嘉樂曾經喺《色，戒》合作過之外，其他都係第一次合作，我冇諗過咁多高難度動作，佢哋都會咁搏命去做，連現場預晒替身畀佢哋，佢哋都唔用，堅持親身上陣，好似城城喺熱爆嘅氣溫下，拍攝一場追逐戲，自己一口氣來回幾次咁跑一條長樓梯，簡真係挑戰個人體能極限，但佢都毫無怨言，反而示範走位替身就頂唔順當場中暑暈咗。」
除了城城之外，張兆輝一樣搏到盡，畏高的他二話不說由五層樓高跳落石灘度，老戲骨陳觀泰亦完全無年齡阻礙，拍攝一場被掟落街的戲份時，不用替身話跳就跳，跳完之後仲氣定神閒地表示：「小兒科啫，跌多層都仲得呀！」
淋滿血漿惡頂
周顯揚直言跟錢嘉樂都服了泰哥（陳觀泰），並謂：「嗰度已經係五層樓高，仲要全身淋晒血漿，真係好惡頂，泰哥一句怨言都冇，真係好感激呢位前輩，所以佢一完咗呢場戲，我即刻斟杯茶畀佢飲，多謝佢。」
導演對於錢嘉樂於《殺》片的動作設計上之心思亦十分欣賞，甚至稱讚對方的工作態度很有香港電影精神，是一位很難得的拍檔！
文：影視組