多位靚模包括A.Lin、DaDa Lo等到電視廣播城試鏡，望一嘗拍劇滋味，兩位「四葉草」師姐姚子羚、李蘊都有前來幫手，與他們做對手戲，面對一眾青春靚模，子羚表示不得不打扮得青春些，穿着短褲壓陣，至於李蘊坦言靚模個個身材好，專登穿三吋高跟鞋示人。
昨日，八十位面試者於電視廣播城為《四葉草》電視電影進行試鏡，他們均透過模特兒公司、無綫訓練班、無綫官方網站招募報名，當中更有南華足球會及天水圍飛馬的現役足球員。而多位熟面口的靚模A.Lin、Anjaylia、DaDa Lo、Isabel Lai亦有前來面試。期間他們進行分組個別面試，由於劇集題材講及足球及啦啦隊，男、女面試者除了要與姚子羚、李雨陽等做對手戲外，更分別要做控球或跳舞等動作，昨日場面熱鬧，就連於隔籬廠錄影的《四葉草》師兄、師姐洪卓立、陳家樂及詩雅都不禁前來八卦一番。
子羚幫手揀仔
《四葉草》師姐姚子羚及李蘊都有出席，子羚笑言今次幫手「揀仔」，更專登穿短褲到場，盡顯青春。問她「揀仔」準則，她說：「最緊要識執生同自然，今日都有啲拖手戲，冇攬攬錫錫，睇吓到時臨場有冇。」
而李蘊坦言不會將自己列入靚模，笑言自己只是靚妹，沒甚麼給人看。問她是否自覺沒身材，她說：「可以再進步啲，依家G模要着Bikini。（冇信心還是怕醜？）算係怕醜，佢哋個個身材都好好，今日都專登着對三吋高踭鞋嚟！」
A.Lin表示在家中獨自分飾兩角試戲作準備，她指自己是專業演員，現時正跟詹瑞文學戲，故不太擔心。她又謂：「我上年都有嚟試鏡，今年唔得下年都會再嚟！（有乜撒手鐧？）當然靠實力，唔係靠個樣。」
文彼得幾頭忙
至於南華中場球員文彼得及歐陽耀冲都有試鏡，文彼得坦言兩年前已聽過會開拍，現時終於成事，適逢今年南華會100周年，自己都作好準備，不過既要打理點心舖頭，又要踢波，休息時間較少，但他表示最緊要夠充實。歐陽耀冲則表示有拍廣告及拍足球宣傳短片的經驗。
文：影視組