Rainbow自言跟經理人儼如兄妹，對方可會是適合的發展人選？她竟說：「佢成熟穩重，OK嘅！」對於又拖又咀的親熱照，她說是相片角度問題，至於對方被拍下公然挖鼻孔，她也忍不住笑說：「都係角度問題，佢咁啱掂到個鼻。（食埋同一份餐？）太夜我食唔到嘢，只係食幾條薯條。（如拍拖會不認？）拍拖係正常社交，唔係唔見得光。」連挖鼻也要維護到底，這份「兄妹情」可謂深不可測！她又力撐Admond一向準時出糧。

前女友指變心

有傳Admond已有模特兒女友Bridgitte，但因Rainbow的介入而分手，Bridgitte更在其交友網誌上表示：「與男友分手了，因為你已變了，希望你同Bikini靚模繼續開開心心！」另外亦有網友大爆Admond另有一間叫Cool Model的模特兒公司，但狂轟他在搞活動時安排失當。對於三角戀一事，Admond坦承：「Bridgitte係我前女友，因性格不合，分手兩個月。」他又說：「我同Rainbow冇嘢，唔係錫只係角度問題，攬腰好正常，我哋好似哥哥妹妹咁。」對於趙碩之指數目不清，他表示是好耐之前的事，而且是即日出糧，如對方覺得有問題，應該即時投訴。