自發生法籍未婚夫Julien Lepeu偷啜張苡澂事件後，Kathy便偕友人飛泰國拜神散心，有傳期間她情緒低落而服藥送院，幸搶救後無恙。Kathy出院後便直飛返港，不過返港後她繼續潛水，與助手的電話同樣長開無人接聽，完全禁絕與外界接觸。
力擠牽強笑容
雖然曾傳出Kathy與Julien因此事而鬧分手，但實情用情頗深的她已原諒了未婚夫，昨晚大約七時，兩人更同車外出用膳。
而Kathy昨日亦同時復工，潛水多時的她，昨日與徐淑敏拍攝無綫飲食節目《咁至識食》，大約三時許，Kathy乘坐着設有窗簾的白色七人車，由助手陪同下現身大埔墟陳漢記拍攝場地，久未露面的Kathy，一見記者表現錯愕，但仍努力擠出牽強笑容，拍攝的兩個多小時，鏡頭前卻十分專業，展現燦爛笑容。以下是記者跟Kathy的對答。
周汶錡：K
記者：記
記：心情點？
K：冇乜點，好好呀！
記：畀人影到攬女喎？
K：邊個？
記：你前男友Julien？
K：係咩？（此時，助手出手阻攔訪問，將Kathy帶入食店對稿，兩個多小時拍攝工作完成後，Kathy繼續帶笑做訪問。）
記：係咪喺泰國返香港？
K：唔係，不嬲喺香港。
拍拖出外晚膳
記：有傳話你喺泰國唔開心服藥？
K：我日日喺香港，成日見住佢哋（用手指向攝製隊），唔信問佢哋可以做證，不過你哋鍾意講乜就講乜。
記：同Julien分咗手？
K：唔回應，唔回應係最好嘅回應。
記：覺得張小姐（張苡澂）喺度造新聞？
K：你話呢？
記：佢日日出嚟講嘢？
K：唔緊要，我都唔睇。
雖然昨日再有雜誌報道當晚Julien與張苡澂在尖東有火辣辣動作，更形容是男方採取主動，惟Kathy與Julien的四年情經得起考驗，Kathy沒有搬離兩人的貝沙灣愛巢，完成工作後便直返愛巢會情郎，晚上更同車出外用膳，恩愛依舊。
接電話感愕然
Kathy雖然否認到泰國，不過有消息指與她同行的是一名化妝師，前晚記者聯絡到與Kathy相熟的化妝師Omix b.，問他是否與Kathy同遊泰國時，他語帶錯愕說：「吓！點解咁問嘅？我依家喺香港喎！（三日前係咪喺泰國？）呀……我冇出外地，冇咁嘅事，唔知呀！」記者向他再三追問，他說：「係咩？等我問一問。」昨日Omix再為泰國之旅作出補充，他澄清周二（23日）與Kathy一同工作，強調期間無離開過香港，他說：「無可能，佢（Kathy）唔會咁，佢喺香港，我都喺香港，冇出埠，（聽聞係你救佢？）唔係，佢係好專業嘅人，好理智，好識諗，（有冇發覺佢唔開心呢？）佢不嬲都好開心嘅，無乜特別。」
而飲食節目的監製張嘉玲，昨稱Kathy這幾日都有開工，因為要頂替馬賽關係，但未能記起開工的日子。
文：名人組