本文重點
汪明荃（阿姐）、何韻詩和杜汶澤等昨日出席新劇《女王辦公室》的開鏡拜神。近日有傳首次接拍無綫劇的阿澤擔心拍劇辛苦，故向無綫提出每日開工12小時的要求。同劇的阿姐表示：「我唔清楚呀，淨係知有啲場口冇阿澤，我就無咁嘅要求，每日都編得好密。（會否要求？）拍劇差唔多都係咁，又唔係好辛苦，真係辛苦我會出聲。可能佢係客人，我年紀大捱得。」阿姐、阿澤和阿詩首度攜手合作，對於兩位電視劇新人，阿姐大讚他們體魄好，工作準時兼有喜劇細胞。
阿詩賣口乖
對於開工12小時的傳言，當事人阿澤沒有否認，強調開工時間與片酬一向交由經理人洽談，自己只會關心拍檔和劇本，他說：「我覺得開工幾開心，其他事無謂講。依家身體真係不及以前，年紀大咗，拍完返到屋企好攰。（阿姐話佢自己年紀大捱得？）呢啲咪係阿姐成功嘅原因囉，我都係仰慕佢嘅才能先接拍呢套劇㗎咋。」
阿詩則表示多年後重拍電視劇，不但不覺辛苦，還聲言拍得舒服，每日似在玩耍。提到阿姐對工作要求高，阿詩賣口乖道：「大家開始熟，睇相同阿姐幾有母女相。啲人話阿姐惡，我就唔覺，佢好關心我哋，經常煲湯請我哋飲。」
文：影視組