昨日Fendi舉行09秋冬時裝活動，一眾名人余安安、傅明憲、榮雪梅、汪圓圓、胡敏珊、趙式芝等出席，名模姚書軼性感上陣，而琦琦則帶病到場，談到近日（口靚）模被批賣弄性感，琦琦說︰「着泳衣唔一定唔健康，但要睇場合，好似我去意大利着一件頭（泳衣）游水，個個望住我，因為人人都唔着！」她又認為（口靚）模能帶出正面訊息︰「畀啲小朋友知要靠自己努力搵錢，冇捷徑，同埋唔好吸毒，吸毒瘦到皮包骨就冇晒美感。」
而活動的公關丁子高被問到與楊千嬅的婚期時說︰「從來冇講過結婚，依家專注事業，（話你哋想生虎BB？）係某雜誌編嘅故事，我都鍾意小朋友，生幾多第時先算，（再過幾年千嬅高齡喎？）唔回應！」
