Janice Man一向有意開拓日本市場，而王友良（Ivan）的經理人公司KING Enterprises旗下亦有不少知名藝人，如椋名凜、日籍歌手日華以及日本一線模特兒渡邊知夏子等，對Janice打入日本市場有一定幫助，若成功簽約，更有望與其他人氣（口靚）模Angelababy、Kama等在當地爭一日長短！

幾個廣告就翻本

昨日，Ivan在電話訪問中被問到是否有意將Janice收歸旗下時，Ivan即激讚對方說：「其實我哋對有潛質、可塑性高嘅model都有興趣，如果Janice Man對我哋有興趣，我哋都好歡迎。」對於有指對方獅子開大口要求二百萬包薪，Ivan竟指完全物有所值：「唔知個價真定假，但接幾個廣告都翻本啦，我知道有四、五間日本model公司都對佢好有興趣，而且offer嘅條件比Angelababy仲好，呢個價其實係超值！」

可發展個人品牌

Ivan又謂對方在內地、日本以至東南亞等地都有很大的發展空間，而且不只可做模特兒，更可以發展個人品牌。見他對Janice Man全程有讚冇彈，問他是否已傾掂合約？他卻支吾以對：「呢個唔方便答，不過係有興趣嘅。」另外，Janice Man電話無人接聽，截稿前仍未獲答覆。

文：專案組