正忙於拍攝陳木勝新片的任賢齊，前日難得抽空享受家庭樂，傍晚一家四口現身圓方商場。為方便照顧一對年幼子女，小齊還帶同兩名傭人出動，一行六人首先於商場內購物，未幾便走入一間日本料理醫肚，不過櫈還未坐暖，小齊已手持戰利品，以九秒九速度跑到停車場放下，然後折返開餐，無奈此時幼子扭眼瞓，小齊惟有推着躺在BB車上的幼子「兜風」，幸好囝囝很快便熟睡，小齊才得以繼續其晚餐。
而一身型女打扮的大女，則一直乖巧地坐在母親Tina身邊，不過小齊仍識做地為兩母女夾餸，場面溫馨。一小時後，小齊等人步出餐廳，未知是否與女友專注着一對寶貝，對傳媒拍照也不知情，及後記者叫了他數聲才發現，小齊尷尬謂：「唔好意思，因為我冇邊度可以去，所以就去商場啦！」說罷禮貌地與記者說再見便往停車場取車。