關淑怡（Shirley）以「自由人」身份出席盛傳鬧不和的唱片公司活動，雖然Shirley強調和唱片公司「冇唔妥」，但她和高層何哲圖碰面時，明顯貌合神離面左左，「性格派」Shirley言談間更多番寸爆高層，阿姐發火果然非同小可。
Shirley被傳因不滿「星娛樂」唱片公司新碟拖足兩年才推出，為此嬲爆的Shirley揚言完約後不再續簽，但她昨日仍以一身型女打扮，到賀唱片公司加盟上市公司中大印刷集團的記者會，算是畀足面。
不少唱片公司斟洽
Shirley在唱片公司行政總裁何哲圖陪同下上台，當司儀稱她為「一姐」時，Shirley「閘住」說：「我唔係一姐。」她和何哲圖互說祝賀業務蒸蒸日上及新碟大賣的客氣說話時，Shirley有骨落地說：「多謝唱片公司喺咁嘅逆市下幫我出碟，歌手要爭氣，我唔識講嘢。」
Shirley在何哲圖的「陪同」下大方接受訪問，她強調：「我冇同唱片公司唔開心，我好多謝公司呢一、兩年畀咁多機會我，今次我嚟係因為人情關係。」Shirley又說有不少唱片公司斟她，但她仍會給「星娛樂」優先考慮權。
杏兒低胸鄭融晒腿
問她和唱片公司可有不和？Shirley表示出道至今已習慣多是非。期間何哲圖叫記者買Shirley唱片，Shirley即說：「你應該送畀人，仲叫人（記者）買。」令何哲圖大為尷尬。問Shirley在無約下可會為唱片宣傳？她一臉委屈地說：「要問何哲圖畀唔畀我做，我唔係成日推工作，幫我澄清。」何哲圖被問到和Shirley傾續約進度，即頻頻說「傾緊」。
此外，唱片公司又宣布張智霖加盟Neway Star，問張智霖是否成為唱片公司一哥，他謙虛說：「唔係。」席上唱片公司歌手胡杏兒、HotCha的Crystal齊齊着低胸裝，鄭融則露長腿，諸葛梓岐的男友薛嘉麟就以上市集團行政總裁身份出席。
採訪：音樂組