六十年代時期，無心向學的一群，喜歡三五成群走進戲院觀看《黃飛鴻》、《六指琴魔》、《白骨陰陽劍》這些武俠片，幻想自己化身戲中的關德興、曹達華和于素秋。于占元是行內出名的武行頭，要學武練功習京劇，找于師傅就不會錯了。
然而未做于素秋之前，先得付出一番代價。「好辛苦，打到屁股開花，乜都要捱，原來唔係咁好玩！」三師姐元秋說出了七小福心聲。
爭餸霸飯‧鬥吐口水
捱就一定了，想不到三餐一宿竟是如此。對於一群處於發育時期，又要每日作大量體力勞動的小伙子來說，他們吃的苦中苦，當下的孩子們是不會明白的。
元秋說：「當年只得十蚊飯錢，每日食飯分四枱坐，係有三餸一湯，不過個湯係大豆芽煲豆腐，當然係湯多過菜。至於三味餸，一味係湯渣大豆芽同豆腐，一味係炒白菜，仲有一味係魚。」
元秋說時面色像苦瓜乾，若要再吃這等餸菜，她是千百萬個不願意的。她說：「嗰時我哋食嗰啲係貓魚，啲魚係一盒盒嘅，拎出嚟硬到扑落地都唔會爛，好似石頭咁硬。」
甜的吃，苦的也吃，那理貓魚或是龍躉，最重要是有米落肚，元秋不諱言為了吃，師兄弟妹各出奇謀，吐口水、擺地盤，一餐溫飽，得來不易。
六十年代，香港輪水、輪米、輪奶粉，甚麼也輪一餐，大師兄元庭也是輪候者，即使只是輪得兩罐奶粉，已令他樂上半天：「當時教會夜晚會派奶粉、舊鞋、舊衫去幫吓啲窮人，我哋都有份去輪，嗰時平均每人可以分到兩罐奶粉，咁多人加埋可以食好耐。」
平淡是福‧自得其樂
歌仔都有得唱：「有了你開心啲，乜都稱心滿意，鹹魚白菜也好好味。」當年的香港人不算富裕，人與人之間卻充滿互動。七小福跟同齡小朋友無異，他們會射波子、拍公仔紙、跳橡筋繩、爬樹捉昆蟲，就算到涼茶舖「打躉」看摔角，手執一袋三毫子小說在涼亭慢慢歎，也自得其樂。（三）