江若琳剛於內地拍完電視劇返港，日前她現身銅鑼灣大型商場，並到書店打書釘，她對日本雜誌甚有興趣，未幾即揀中「戰利品」。離開時江若琳行經一間全粉紅色的精品店，店員即邀江若琳坐上店內的「公主櫈」拍照留念。

江若琳計劃稍後出書，所以到書店買書取經。

Rex（左起）、Ciwi及江若琳細心揀心頭好。

冒雨截的士

之後江若琳到一咖啡店會合Rex及Ciwi，期間三人寒暄一番，又研究江若琳的手電。約一小時後，三人再到附近一間潮服店，江若琳與Ciwi在店內不斷揀選三點式泳衣，一向鮮有作性感打扮的江若琳，更對波點等日本流行款式愛不釋手。期間Rex忽然拿出一條鮮紅色泳褲拼上身，氹得兩女開懷大笑。三人最後買了大包細包離去，此時下起大雨，他們即衝出馬路截的士，狀甚狼狽。

事後記者致電江若琳，她說：「遲幾日要同Rex、Ciwi去泰國留個半月拍戲，遲啲又諗住出書，所以咪去打書釘取經，順便買啲啱喺泰國着嘅衫。（諗住着泳衣晒身材？）要睇吓有冇時間。」

文：影視組