何紫綸昨日於一家電活動中擔任司儀，她表示與舊男友張豪龍拍拖時，一星期要為對方煮足七日飯，令她頗有微言︰「佢當我係煮飯婆，所以我唔煮啦，不過依家自己住都要煮畀自己食。」紫綸續稱分手至今仍未找到新男友，不諱言已降低擇偶要求︰「出去蒲識嘅男仔完全唔掂，又鹹濕。我對自己冇信心，同埋試過上次之後，我依家要求低咗，唔使靚仔，要照顧到我同佢自己就得。（咁講對豪龍唔公平？）千揀萬揀揀個爛燈盞，好嘢又識唔到。」紫綸並謂已改掉刁蠻性格。