本文重點
張兆輝向來有畏高症，但為了拍攝新戲，竟然瞓身拍一場從五樓高台躍下石灘，繼而被郭富城追打至翻滾地上之場面，期間兆輝更險中「頭獎」，額頭部位差點撞向石灘尖石，幸他身手敏捷，才避過一劫！
郭富城與張兆輝早前合作拍攝周顯揚執導的新片《殺人犯》，戲中張兆輝要克服其畏高症，須從五樓高台跳下石灘，之後再被郭富城追打之場面，期間張兆輝更險撞向石灘的尖石，幸他敏捷地用手臂一擋，總算有驚無險！
談到這場高台躍下戲，張兆輝仍猶有餘悸，他說：「我平時連坐摩天輪都驚，當日拍攝嘅時候，我連走上高台嗰條樓梯，都要郭富城扶住我上，佢怕我驚，上到去企喺個高台上，但我都唔敢企高。」
拍戲不為攞獎
張兆輝指拍攝該場戲期間，遇到不少困難，如他所用之高台因場地限制下，需要即搭即跳，要盡量把NG的機會減到最低，幸好最終張兆輝都能一Take搞掂！
張兆輝為新戲如此賣命演出，問他可有想過憑此片攞獎？他說：「對我嚟講拍戲唔係為攞獎，反而拍到一部好戲我會好開心。」
文：影視組