家駒昨日47歲冥壽，大批歌迷帶備鮮花及祭品到墓地拜祭，墓碑雖然早前被人惡意破壞，就昨日所見，結他已補上白油，但碑文仍見塗污痕迹；位於家駒不遠處屬於Danny墓地的碑文，亦似乎被塗黑過，Danny的長兄陳百靈在電話中表示毫不知情，他說：「我完全唔知，清明我哋去拜祭嘅時候都冇事，我覺得啲人咁做好唔啱，心態好有問題，等於掟鏹水個狂徒一樣。」

家駒墓碑上的結他已補上白色。	陳百強墓地的碑文上，亦發現有黑色顏料痕迹。	歌迷Amy年紀輕輕就迷上Beyond，力斥破壞者無公德心、唔尊重先人。

不滿結他滾邊

而Beyond成員葉世榮於昨日下午帶埋樂隊Ever到場致祭，除上香誠心拜祭外，世榮亦特別近距離觀察墓碑被毀的情況，他慨嘆說：「我好後期先知呢件事，淨係睇就覺得係啲人多手百厭，好哋哋個結他幫佢滾邊，又唔係髹得靚，依家求其加白油，髹得又唔係好過人。」

記者致電家駒胞弟家強，他表示加白油是歌迷的意思，希望家駒生日可以過得「靚仔啲」，他已經聯絡雲石公司準備修補墓碑，對於Danny墓碑亦被破壞，家強說：「收到風啦，間雲石公司都話收到Danny墓碑嘅order，呢啲人（破壞者）一定有報應呀！」

本報致電墳場公關部查詢，發言人陳先生表示未有接獲任何有關投訴，墳場方面有派專責人員作定期巡視，如有發現會立即報警。

採訪：音樂組