對於學生濫藥嚴重，Eason沒好氣說：「可能煙仔貴得滯，我就未試過，好多嘢好食過毒品，例如菠蘿包。」問身邊有冇朋友吸毒？Eason說：「冇乜，有都疏遠，勸佢唔聽就唔好交往，人嘅聲譽好緊要，費事以為我同佢一樣。」為了勸人戒毒，Eason提供妙方：「介紹大家一個好high方法，就係唔瞓覺，一定好亢奮。」

此外，陳冠希（Edison）日前返港，Eason坦言曾與對方飯聚，問他Edison是否想返港發展？他說：「從來覺得佢唔會，冇咁動機。（支唔支持佢復出？）作為朋友，關心佢身體健康、身心舒暢，其他嘢咁大個仔自己揸主意。」而Edison日前離港後去了北京，透露6月中會去馬來西亞開時裝店。