同樣十七歲的「翻版阿Sa」Monique及Rainbow因合演PS3下載網劇《夏之盛放》而結緣，兩人同屬33B身材兼樣子甜美，加上據知兩人就讀同一中學，難怪人前人後都如此友好。除了之前兩人出席活動，一起力抗同場的巨乳(o靚)模「胸襲」外，上周更齊齊相約到石澳沙灘。
豐胸有法
糖黐豆的Monique及Rainbow，伏在沙灘蓆上有說有笑兼齊刨雜誌，更互替對方搽太陽油。期間Monique緊盯對方胸部，Rainbow即挺直腰身，用手指指自己的胸部外，又教Monique如何製造豐胸效果。Monique取經後，亦即場照做如儀，左右撥胸，並兩手向後緊扣比堅尼，令胸部有升cup效果。
半小時後，曬完一輪的Rainbow拉着Monique落水，調皮的Rainbow突然向對方潑水，潑水大戰一觸即發！互潑一輪後，Rainbow竟突然扯着對方的短褲，又叫又笑的Monique，終不敵對方的突襲，並且失重心跌入水中，Rainbow最終成功扯掉其短褲，開心得高舉戰利品，搖着褲子吶喊！一臉無奈的Monique，惟有一手搶回褲子立刻穿上，Rainbow亦上前扶她兼拉着她說笑，Monique當然火立消，再做孖公仔！
唔覺有味
此外，近日G模界是非多籮籮，繼E Cup Baby（劉欣宜）和日版Paris Hilton椋名凜聯手杯葛「美少女廚神」鍾蕙芝（Lavina）一事後，最近有傳Lavina和同公司的Rainbow亦暗指E Cup Baby有臭狐，而被問到「臭狐傳聞」一事時，劉欣宜說：「其實人哋點講我唔回應啦！不過我做咗model咁耐都未試過畀客戶投訴，（自己唔覺有味？）一定唔會啦，我衞生好好㗎！」
索K難饒
對於近日有四女生涉嫌在玫瑰崗中學內「索K」一事，Rainbow表示並不認識她們，但對事件感到驚訝，她說：「以前學校從未發生過呢啲事，事後社工同校長都同我哋講，一定唔可以掂毒品，（點睇索K學生罰記小過和停課兩周？）我覺得佢哋明知故犯，罰得好輕，應該將佢哋退學至啱，因為呢件事影響校譽，連累無辜嘅學生畀人話。」
採訪：名人組