李彩華（Rain）、弟弟李建中、溫碧霞（Irene）等前晚齊齊出席《極速緋聞》首映。Rain表示事先不知道會與建中同場，更大方合照。談到對方步其後塵入行，Rain坦言只希望弟弟不會染上任何惡習：「睇到依家啲學生索K，我真係嚇咗一跳。（如果細佬過分，會劃清界線？）我只係warn（即警告）咗佢啫。」Rain又謂自己睇中《極》片男主角車太鉉「好肉地」，反而其他韓國型男則未能引起她的注意。
Irene則未有理會豬流感（H1N1甲型流感）肆虐，堅持四出旅遊及公幹。談到旺角再有狂徒擲鏹水樽，Irene謂：「變態呀，傷及無辜。（如果有活動搵你去旺角，你敢唔敢？）去，不過擔傘擋吓囉。（唔可以着露背裝？）吓！咁唔去旺角嘞。」
