雯女做四奶奶頭頭是道，廚藝卻不甚了了，幾乎全由祥仔個人表演，雯女幫祥仔抹汗之餘，又與祥仔玩《人鬼情未了》式搓粉，令評判岳華大叫：「No eye see。」祥仔的出色廚藝令評判們大讚他「好男人」，祥仔說：「結婚初期有煮畀老婆食，我幾歲大就跟阿媽學煮嘢，我係遺傳到佢嘅廚藝。」

商天娥全神貫注，果然煮得一手好菜。

惠英紅與謝雪心為搞氣氛，整晚不停嗌交。

拿手煲粥

雖然祥仔廚藝了得，惜遇上勁敵商天娥，娥姐笑言：「我睇阿媽煮得多，好簡單啫，我最叻煲粥。（用廚藝留住男人？）啲男仔太鍾意我，唔使諗計，原因我留喺發表愛的宣言時公布，最快出年秋天，男友都未求婚，我重視浪漫，幾大都要人求婚，等我流滴眼淚先。」曾傳不和的娥姐與雯女，前晚在雯女主動下，雙方有講有笑，粉碎傳言。

而前晚廚藝最地獄的惠英紅則死撐：「我同謝雪心煮得OK呀，平日我習慣一個人煮，唔慣身邊有人，我同心姐成晚嗌交只係想搞氣氛啫。」

文：影視組