方皓玟日前接受ontv節目《娛樂on Show》專訪，以乖乖女形象進軍樂壇的她，為了讓即將推出的新碟令fans耳目一新，遂作出一百八十度轉變，由玉女搖身一變成搖滾性感女生。不過，由於方皓玟的性感形象太深入民心，向來鬼主意多多的兩位主持陳振安及俞詠文遂要求她即場示範「自摸」舞姿，嚇得沒心理準備的方皓玟目瞪口呆，並以現場沒音樂背景為由拒絕「就範」，場面搞笑。

唔介意sexy

雖然遭主持人取笑，不過方皓玟卻表示十分喜歡現時之新形象：「呢個先係真正嘅我，係公司將我包裝成玉女啫！我唔介意性感，最緊要性感得嚟健康，其實我鍾意中性嘅打扮多啲。」問到方皓玟怕否因此成女同志的目標時，她竟語出驚人表示：「我不嬲男女都鍾意㗎喎。」令主持人不禁嘩然！

坦承蜜運中

每逢有嘉賓接受《娛樂on Show》訪問，總免不了遭主持人逼供感情事，方皓玟亦不例外，當被問到與監製Jacky的緋聞時，方皓玟即大遊花園，隨即遭俞詠文踢爆謂：「唔係喎，佢（Jacky）好似喺雜誌度認咗同你拍拖喎。」此時陳振安即乘勢再追問二人戀情，令原本不欲多談感情事的方皓玟終於「讓步」謂：「我係一直有拍拖，但即使被人影到我都唔會認，因為我覺得呢啲係私人事，要留番啲空間畀自己。」

文：專案組