05/06/2009

播放本新聞相關短片

男色誘惑:絲襪足按玉腿穿梭燃慾火

早年內地興起絲襪按摩,縱然提供呢種服務嘅按摩院,宣稱咁樣有助客人放鬆精神,但明眼人一睇,都知道只不過為滿足有另類癖好人士嘅需要。事實上,內地不少按摩院見到呢種服務大有作為後,亦紛紛推出有關服務之餘,仲提供上門按摩服務,讓玩家可以喺酒店或屋企,享受到呢種特殊服務!

揀女上門

絲襪按摩其實唔係乜嘢新鮮嘅服務,早幾年內地已有不少保健俱樂部、足浴、按摩院等,推出有關嘅服務。技師喺提供服務時,會穿上各種絲襪,然後為客人踩背及按摩。雖然一直以嚟都受到部分玩家喜愛,但對其他人嚟講,呢種始終係另類癖好,少不免會遭人白眼。

為咗讓客人能喺更自由嘅環境下,滿足佢哋嘅特別需要,青島四方區就有間專為客人提供上門絲襪按摩服務嘅按摩休閑中心。曾經使用過有關服務嘅阿昌表示:「其實我一直以嚟,對絲襪按摩甚有興趣。不過擔心喺按摩院內遇到熟人,故此未試過有關服務。直到同事推介,知道青島有上門絲襪按摩服務,於是決定試吓。」

阿昌按朋友介紹,打電話到該休閑中心,對方問明阿昌所需服務、技師身材及樣貌、按摩地點及時間等資料後,便着阿昌喺酒店度等。阿昌笑道:「由於係第一次試呢種服務,都係去酒店比較穩陣。」

花臣多多

到咗約定時間,技師便出現喺阿昌酒店房門外,對方樣貌及身材不俗,尤其係一對穿着住黑色絲襪嘅修長美腿,更係令阿昌興奮不已!對方同阿昌講,如果佢唔滿意嘅話,可以再揀過另外一個而唔會另外收費。阿昌表示冇問題後,便讓技師入房。

技師打開佢嘅隨身手袋,阿昌發現裏面擺滿各種款式嘅絲襪,魚網絲襪、夜光絲襪、襪褲、吊帶絲襪等都一應俱全。技師解釋為咗滿足唔同客人嘅需要,才會帶備各款唔同嘅絲襪。阿昌回憶道:「揀咗心水絲襪後,佢便開始為我按摩。不過喺按摩前,佢表示只會用腳按我身上嘅部位,而隱私部位則唔包括服務項目內。雖然如此,但有靚女利用修長玉腿為我按摩,亦覺得冇乜所謂。」

對方技巧不俗,而態度亦非常殷勤,按壓阿昌身上各部分之餘,仲詳細解釋各個穴位對身體健康有何功效,例如紓減壓力、延緩衰老、提神醒腦等。

額外服務

正當阿昌以為有關服務非常正經,點知技師突然問,點解阿昌好似對佢對腳冇乜興趣。阿昌笑道:「據佢講,不少客人喺邊享受按摩同時,亦鍾意把玩佢對玉腿,至知道原來呢個亦係服務內容嘅一部分。」阿昌同技師度過輕鬆而愉快嘅一小時按摩後,技師問阿昌需唔需要額外服務,而心水清嘅阿昌當然知道所謂額外服務係乜嘢意思。

阿昌就話:「其實所謂額外服務,至係絲襪按摩服務嘅重點,亦係技師主要嘅收入來源。事關會所規定喺服務時間內,技師唔能夠同客人有任何親密嘅接觸。不過服務時間一過,技師所有行為則同會所無關。」雖然有關服務同一般邪骨場冇分別,但對被按到㷫合合嘅客人嚟講,卻係全套服務嘅重點。額外服務收費為二百人仔,加上五百蚊嘅按摩費,全套合共七百元!不過阿昌補充,上門服務嘅技師良莠不齊,加上始終有一定風險,故此大家都係要計過先至好試。

撰文:阿豪