談到最難忘的事情，洪欣笑謂：「有個拍攝嘅地方係要坐滑水艇滑過激流先到嘅，而隻艇仲要係自己控制，我覺得個過程好好玩好剌激，仲難忘過影婚紗相！」

兩人站在大瀑布前拍照，壯觀又浪漫。

洪欣與張丹峰深情一吻。

以最fit狀態示人

洪欣表示雖然今次拍攝的場景很美，有瀑布及森林等靚景襯托，不過因兒子未能一同參與而有感美中不足。她無奈地說：「因為佢要返學，所以唔可以同我哋一齊去。返嚟睇相嘅時候，佢都有問點解張張相都冇自己，又叫我唔可以再丟低佢去二人世界。」

今次拍攝的婚紗照非常豐富，每張照片均令洪欣醉倒，故現時仍未選到一張放於家中。洪欣為了以最fit狀態示人，拍攝前個多月已不停做運動減肥。她謂：「我有特登做facial嗰啲，不過去到當地太多美食引誘，自己又為食忍唔到口，惟有係食少啲煎炸嘢。（蜜月旅行去邊？）未決定去邊，依家想睇吓就唔就到囝囝，因為我哋隨時出發都得。」

文：影視組