有指林氏夫婦在度聲明時曾吵大鑊，男方想認，但女方覺得冇面而阻止。又有傳汪小姐有勢力背景，可盈擔心人身安全而於上周五在港報警求助。

可盈透過經理人公司職員Swan回應說：「冇咁嘅事，純屬炒作。（報道指男方私生活混亂！）一件事還一件事，緋聞唔回應，呢個係案件唔可以講，希望大家明白。（香港報咗警未？）因為可盈喺大陸報警，所以佢哋要再喺香港備案，程序上一定要咁做。（幾時報警呢？）我就唔記得咗佢哋幾時喺香港報警，不過，佢哋確係擔心人身安全，因為汪小姐喺大陸被捕當日，可盈被人出言恐嚇，覺得性命安全受到威脅，所以喺香港報警。（可盈係咪有咗三個月？）三個月身孕係假。（有冇ＢＢ呢？）唔答得，文龍同可盈希望將個視線放番喺個騙局上，私人嘢唔講。」