本文重點
正當一眾(o靚)模如Angelababy、Kama、周秀娜等磨拳擦掌，在七月書展推出噴血寫真之際，六位「美味天使」最近亦默默起革命，近日到澳門首次拍攝三點式泳衣照，計劃在書展推出寫真「硬撼」(o靚)模。
王淑玲（香蕉）、陳蕊蕊（柑桔）、劉俐（藍莓）、王宝宝（春卷）、晴晴（豆沙包）和丁樂鍶（腸粉）最近到澳門取景拍攝寫真，計劃在七月書展推出。六位天使在寫真中有多個造型包括水着、睡衣、制服和休閒服等，實行以「包羅萬有」對撼(o靚)模寫真。
凍到見紫唇
當然寫真的重頭戲正是水着部分，每位天使也有五、六款三點式泳衣造型。不過，拍攝泳衣照時卻遇上陰天，氣溫急降，即使浸在水裏擺甫士拍攝，也要裝出陽光笑容，實情卻是凍到騰騰震，向來怕凍的劉俐說：「第一次着泳衣拍寫真都有啲難為情，但最慘係天氣凍，凍到我口唇變成紫色。」對於寫真要「硬撼」(o靚)模，劉俐滿有信心：「我哋有六個人，本寫真好抵睇，好多fans都問我寫真幾時出街。」
陳蕊蕊與王淑玲對於寫真在書展推出，異口同聲指對銷量有信心，陳蕊蕊覺得拍攝最辛苦是天氣凍，她說：「我哋幾個都浸咗喺水幾個鐘，個個都凍到起晒雞皮。」王淑玲自爆在酒店房間遇到疑似「靈異女子」，但不怕之餘還照瞓可也，認真大膽。
採訪：影視組