王菀之（Ivana）前晚擔任《美女廚房》嘉賓，而緋聞男友張敬軒則擔任嘉賓評判，Ivana「架勢」表示軒仔都是因為她才上來做評判，又大讚軒仔說：「我都識煮嘢，不過軒仔仲勁過我，佢煮嘢好好食，仲好驕傲，成日整大餐畀人食。」問她有否叫軒仔畀分時「鬆手」點，她笑言：「我同佢講要畀十分，唔係就瞓廳。」最後雖然Ivana煮的不是最好的一位，但軒仔都給她十分，更封她為「廚后」。
於指定菜式時，身為嘉賓評判的軒仔竟於Ivana旁邊任勞任怨，甘願做「阿四」，被錢嘉樂笑指二人似足兩公婆，期間Ivana既叫軒仔撥頭髮，又叫他幫手遞碟、發蛋，場面搞笑。
