謝婷婷與男友安志杰昨日分別出席Nautica活動及Rockport鞋騷，提到Edison接受CNN訪問，婷婷不屑說：「我唔會好似追電視劇咁等住睇，I don't care，我冇興趣、亦冇時間睇呢啲嘢。」
問婷婷會否覺得Edison的退出言論捉字蝨？她坦言：「呢個圈好多人講呢啲嘢，好多嘢唔係自己決定，唔係計劃咗，但都會發生，唔可以睇表面，有好多原因。（介唔介意同Edison合作？）睇吓做乜，如果係慈善冇所謂。（拍戲？）你哋搵套戲畀我拍先。」另外，有雜誌指狄波拉曾為謝霆鋒種生基，婷婷謂雖然母親相信風水，但不會做得太誇張。
安志杰隔空示愛
安志杰則與貌似謝婷婷的模特兒Tiffany同場，安志杰直言：「唔覺得Tiffany同婷婷似。（婷婷靚啲？）梗係啦。」他笑言不會教婷婷功夫來防狼，因有他保護已足夠，又着記者隔空向婷婷問好。
另外，對於Edison鋪路復出的一番言論，袁彌明與白韻琴不約而同出言暗寸。袁彌明直斥Edison推卸責任兼欠誠意：「字面解佢冇錯，好聰明，不過唔應該用呢個論點去復出。希望佢冇咁順利同唔好咁風光復出，否則對被封殺嘅女星好唔公平。」
白姐姐則一早預料Edison會回歸：「No time frame同indefinitely實在可圈可點，你信佢？話係傳媒曲解，喺度玩字。佢唔做呢行可以做乜？又出名又有咁多女仔圍住，（驚慾照再流出？）驚乜？實有人上釣。（前途？）無論做嘢同溝女，佢都大把前途，呢啲係佢嘅專長，願者上釣，前途可能好過以前。呢個世界冇公義，佢仲有大把機會。」
劉偉強伸出援手
一向寵愛Edison的導演劉偉強昨在查小欣的《巴巴閉邊個夠我查篤撐》節目訪問中，撐Edison成熟不少，坦言願做其磨刀石，合適時定為對方開戲，又透露Edison向導演夢進發。劉偉強亦說同情栢芝和陳文媛等，也很想幫她們。
曾爆料指Edison與女友情變的區文詩（Angela）昨稱：「唔好意思，估唔到一句說話搞到咁大件事，以後講嘢會再謹慎啲，（喺邊度收到分手風？）唔想再講。」
文：名人組