王祖藍漁翁撒網冇女吼

王祖藍昨日表示他演出的新片將於本月廿三日舉行首映禮，戲中九位女主角包括Angelababy、賈曉晨、徐子珊都會出席，至於熊黛林（Lynn）和周秀娜則未落實。問到最冧哪一個？祖藍笑言：「我好掛住Lynn嘅高度、Angelababy就令我有初戀嘅感覺。」而祖藍的新歌MV亦搵來Angelababy助陣，加上戲中和對方有不少對手戲，笑言：「唔只初戀，乜戀都有呀，但套戲拍完，呢九個女仔都同我分咗手啦！」問到可有攞聯絡電話？祖藍笑道：「一個『車牌』都抄唔到呀，通常佢哋都會讚我有才華，但對我冇興趣囉！」