「地獄廚神」薛凱琪（Fiona）全靠好友梁祖堯幫拖，成功「爆冷」在《美女廚房》首回合勝出，不過Fiona就話會以「帛」金回報對方，認真恩將仇報。
Fiona、楊怡、楊崢前晚錄影無綫節目《美女廚房》，大煮「墨西哥朱古力雞」及「墨西哥仙人掌烤軟餅」，當中被喻為「地獄廚神」的Fiona，一出場即令評判張達明、劉浩龍以及主持方力申、梁漢文等聞風喪膽，雖然席上她與楊怡同樣表現得雞手鴨腳，不過Fiona就請得死黨梁祖堯擔任助手，憑梁祖堯熟手廚藝，令她「爆冷」在指定菜式中勝出。
妖走浩龍
Fiona能夠「大躍進」全賴梁祖堯，但當主持叫Fiona要重金回報祖堯時，Fiona竟然表示：「朋友呢啲嘢唔係用金去衡量，係用帛金。」此言一出，即全場嘩然，事後Fiona謂：「可以暫時領先，真係好興奮，其實今日上嚟係好緊張，仲緊張過參加頒獎禮，好彩有祖堯幫手。（但係你用帛金衡量？）唔係帛金，係唱片嗰隻白金。一陣雖然唔可以用幫手，不過祖堯話佢會留低，心靈得到支持。」另外，現場Fiona煮餸時，由於劉浩龍不斷在旁騷擾她，令她不禁謂：「妖！你唔好搞我啦！」
飛甩雞毛
至於楊怡就請來老友吳家樂幫手，不過二人在煮菜時出現意見不合，發生內訌，場面惹笑，而兩人的朱古力雞亦黐着大大條雞毛，令評判張達明十分反感，事後楊怡死撐：「隻雞唔係我哋劏，唔關我哋事，係隻雞嘅錯，正宗飛甩雞毛嘛。（出現內訌？）係啦，佢落咁少雞去煮，我不停話唔夠食，佢就話夠，所以激鬼氣，自己煮多兩隻雞翼，不過我哋平時都係咁玩，冇嘢嘅。」
文：影視組