陳冠希連日在港高調亮相為復出鋪路，接受電視台及雜誌的訪問亦魚貫推出。對此圈中人議論紛紛，就連討論區亦「塞滿」網友留言，力指陳冠希自私，應及早收聲，但亦有人出言力撐，指相片並非陳冠希所發，他亦是受害人之一。
白韻琴批死復出
對於陳冠希復出，白韻琴稱：「我早就話陳冠希係醒目仔！佢可以話三日或三個月後復出，又冇人用槍阻止佢，絕對幾時復出都得。當日我已經批佢唔使好耐一定東山再起。」她又大讚栢芝大量、做人態度又好，令大眾更加愛錫她。
黃秋生未聞返娛圈
身為陳冠希契爺的黃秋生，大讚契仔做生意出色，雖然他亦贊成對方重返娛圈，但就表示未聽陳冠希提過。另外，對於栢芝接受陳冠希道歉，秋生說：「好事，冤家宜解不宜結，陳冠希都有佢嘅難處，係警方叫佢唔好聯絡啲女仔住。」
劉偉強盼事件淡化
日前劉偉強踢爆陳冠希有意復出，他稱若有合作機會，一定會找對方。當劉偉強得悉栢芝接受陳冠希道歉，他說：「接受咗道歉係開心嘅，事件係冇人想發生嘅，大家為咗呢件事都好痛苦。唔應該再糾纏落去，希望可以慢慢淡化。」
志偉拉攏合作
對於陳冠希表示裸照不止千三張，正在無錫拍電影《刺陵》的曾志偉說：「後生仔最緊要知錯能改，坐監出來嘅人亦有機會改過，除非對方又再犯。」他又表示日後有意找陳冠希拍戲。