拉姑在會合栢芝前，昨午五時在工人陪同下帶着Lucas於IFC閒逛。對於Edison向受害女星道歉，拉姑語重心長表示：「任何香港人都唔應該再問呢個問題，有錯冇錯都應該告一段落，任何嘢都應該完結！畀啲小朋友一條路。」問到會否覺得Edison道歉太遲？拉姑謂：「講得玄啲，放過人哋等於放過自己，愈有胸襟嘅人，先愈得人佩服。」
對於陳冠希站出來推翻之前揚言退出香港娛樂圈之言論，拉姑則稱：「佢自己復出係佢嘅事，同任何人都冇關係。佢有自由選擇嘅權利，最緊要係觀眾接唔接受。（覺唔覺Edison出爾反爾？）好多嘢都係環境造成，唔需要大驚小怪。有啲人打死唔食牛肉，最終有一日咪偷食。」
