陳冠希在CNN訪問中被問及為何復出娛圈時，他指中文傳媒曲解了他有關退出娛圈的言論，他當時是用「indefinitely（無限期）」，並沒有用「forever（永遠）」。他說：「It could mean 5 minutes, it can mean 2,000 years. I never said forever.（那可以是五分鐘，又或是二千年，我從沒說是永遠。）」
律師黃國桐指這番話是無恥、取巧及輕佻，他說：「佢喺記者會上表現後悔，話會退出娛圈自我反省贖罪，希望人原諒。雖然冇講明時限（There is no time frame），但係做咗咁錯嘅事，我哋唔會預計佢一年兩年就出番嚟，喺法庭上嚟睇，我哋會認為佢至少會用五年時間去懺悔！」
黃國桐續稱：「其實嗰時中文傳媒講佢會永遠退出娛圈冇錯，藝人演藝生命有限，大概十年左右，而我哋好有良心咁幫佢計過犯大錯後嘅贖罪期至少以年計，其實計落可以講係永遠退出。佢喺CNN嘅解釋好取巧輕佻，話中文傳媒水準差實在太無恥，其實係我哋道德觀念高至真，睇高咗佢。」