Edison接受CNN訪問時，除了向受害女星公開道歉外，還解釋為何自慾照事件後沒有與她們聯絡。他說：「首先，因為我搵唔到佢哋，第二就係因為我唔知點樣接近佢哋，同點樣開口同佢哋講。」Edison再次強調自己亦是受害者：「對於照片被廣泛流傳，我真係冇嘢可以做到。我冇話自己冇做錯，否則我唔會道歉。我只係想話我都因為呢件事受咗好多苦。」
雖然Edison如此委屈地道出苦衷，不過由於栢芝二月接受專訪時，表示曾主動聯絡他，但一直未獲回覆，故此Edison表示找不到女受害人的說法不成立。
盼與恐嚇者對話
另外，Edison在訪問中強調一直未有表示要永遠退出香港娛樂圈，更暗寸香港傳媒誤解他去年二月開記者會的演辭原意：「講起嚟就好笑，因為好多傳媒，尤其係中文傳媒，話我講過永遠離開娛樂界，我正確嘅字眼係講話無期限。可能依家啲人唔明白無限期嘅意思，無限期可以代表五分鐘，亦可能代表二千年。我從來都冇講過話係永遠。」
對於接獲死亡恐嚇，Edison直認感到害怕：「如果我話我可以避子彈同唔驚就呃你……我從來都冇諗過自己有一日會收到死亡恐嚇，直到依家我都依然唔明白。我好想同佢哋（發死亡恐嚇的人）坐低真正咁傾吓，我唔理佢或者佢哋係邊個，因為我唔認為生命可以被人了斷。」
與Vincy未分手
Edison又感激女友楊永晴（Vincy）一直以來的支持，並表示二人關係從未改變：「對於當時匿埋屋企嘅我嚟講，佢（Vincy）簡直係戰士同女超人。我唔想講到自己好似懦夫咁，但當時我內心真係好緊張，但佢就照樣每日去返學。」至於Edison的CNN訪問片段，有線娛樂新聞台將於今晚十時正率先播放。
連日來馬不停蹄的Edison，昨日約十二時半離開酒店。原本笑容滿面兼主動向記者打招呼的他，當被問到公開接受訪問怕否影響受害女星時，他即黑面登車離開，直駛鰂魚涌的公司，等候五時抵達的何超儀開會。而何超儀至晚上七時半才離開，Edison則於晚上八時半離開，前往四季酒店晚膳。