梁詠琪（GiGi）、胡杏兒、徐子珊和林一峰等前晚擔任音樂節目《勁歌金曲》嘉賓，其中徐子珊憑新歌《讀心術》登上冠軍歌寶座，坦言心情既緊張又興奮。
GiGi透露已有兩年沒有上《勁歌》，是次有久別重逢的感覺。近期四出為唱片宣傳的她不瘦反肥，她指因為去不同地方宣傳到處食的緣故。早前她被拍到與一名被形容貌似前度法籍男友Sly的男子夜遊台灣書店，記者問她肥的主要原因是否得到愛情的滋潤？GiGi即甜笑否認：「好朋友啫，同朋友出下街都好正常，（拍拖都好正常！）我哋都係咁啱一齊過台灣做嘢。」
GiGi更表明台灣同遊的男性朋友正是Sly。她說：「我覺得單嘢都幾搞笑，報紙用激似來形容佢。（大家仲有機會發展？）依家我哋係好朋友。（未諗住行多一步？）差唔多啦呢個話題。（會唔會復合？）唔會有呢回事，我哋一路都係好朋友關係，我唔想講太多，多謝大家關心。」