周秀娜（Chrissie）昨日以「傳頌大使」身份出席慈善活動，大晒美腿，不過她否認接拍「Laughing哥」前傳：「之前因為見大家講得咁高興，所以先冇否認，我係有同呢套戲導演見過面，但只係傾另一部電影《新香蕉俱樂部》，不過依家都未落實拍唔拍㗎！」
對於有傳陳法拉和苟芸慧均對「Laughing嫂」一角虎視眈眈，問Chrissie認為做「Laughing嫂」要有甚麼條件？她表示：「我覺得Laughing做臥底好慘，乜嘢事都要收收埋埋，所以做Laughing嫂要好溫柔同體貼！」
另外，Chrissie將於八月啟程往四川探訪地震災民，屆時更會帶同文具及食物送給當地小朋友，Chrissie說：「我個人好眼淺，驚到時見到啲災民會忍唔住喊，我會盡量控制情緒！」